روس نے افغانستان میں داعش کو اسلحہ پہنچانے پر امریکہ سے وضاحت طلب کر لی ہے۔

روسی وزارت خارجہ کی ترجمان ماریا زاخارووا نے ماسکو میں صحافیوں سے بات چیت کرتے ہوئے کہا ہے کہ ہمارے پاس ایسی موثق اطلاعات موجود ہیں جن سے پتہ چلتا ہے کہ نامعلوم ہیلی کاپٹروں کے ذریعے افغانستان میں داعش کے عناصر کو ایک جگہ سے دوسری جگہ منتقل کیا جا رہا ہے۔

انہوں نے کہا کہ مشرقی افغانستان میں داعش کے لیے اسلحے کی ترسیل کی خبریں بھی موصول ہوئی ہیں۔

انہوں نے افغان حکام اور امریکہ دونوں سے اپیل کی کہ وہ افغانستان پر نامعلوم ہیلی کاپٹروں کی پروازوں اور داعش کے لئے اسلحے کی ترسیل سے متعلق خبروں کی وضاحت پیش کریں۔

کہا جا رہا ہے کہ تورا بورا پر حالیہ بمباری سے پہلے پچاس داعشی دہشت گردوں کو علاقے سے منتقل اور اسلحے سے بھرا ایک کنٹینر ان کے حوالے کیا گیا تھا۔

امریکہ افغانستان کو داعش کے نئے اڈے میں تبدیل کرنا چاہتا ہے تاکہ علاقائی مقاصد کو آگے بڑھانے کے لیے اسے ایک ہتھکنڈے کے طور پر استعمال کر سکے۔