ایران کے وزیر خارجہ محمد جواد ظریف اور قطر کے وزیر خارجہ محمد بن عبدالرحمن آل ثانی نے ہونے والی ٹیلی فونی گفتگو میں علاقائی حالات اور دو جانبہ روابط کا جائزہ لیا۔

اسلامی جمہوریہ ایران کے وزیر خارجہ محمد جواد ظریف نے قطر کے وزیر خارجہ محمد بن عبدالرحمن آل ثانی کے ساتھ ہونے والی ٹیلی فونی گفتگو میں علاقے میں امن و امان کی برقراری کیلئے ایک دوسرے کے ساتھ تعاون کرنے اور امریکی اقدامات کے علاقے پر پڑنے والے خطرناک اثرات کا جائزہ لیا۔

ایران کے وزیر خارجہ نے اس ٹیلی فونی گفتگو میں اغیار کی مداخلت کے بغیر علاقے میں امن و امان کی بحالی کیلئے علاقے کے تمام ملکوں کی شراکت سے متعلق ایران کے موقف کی وضاحت کرتے ہوئے کہا کہ علاقے میں امریکہ کی مشکوک حرکتوں اور سازشی ذہینیت کے پیش نظر ہر قسم کی مہم جوئی کی ذمہ داری امریکہ پرعائد ہو گی۔