لبنان کی حزب اللہ نے جنوبی لبنان کے ساتھ مقبوضہ فلسطین کی سرحد پر صیہونی حکومت کی "گولانی" بریگیڈ کے فوجیوں کے خلاف اپنی کارروائیوں کا اعلان کیا ہے۔

لبنان کی حزب اللہ نے اعلان کیا ہے کہ صیہونی حکومت کی گولانی بریگیڈ کا ایک یونٹ مقبوضہ فلسطین کی شمالی سرحد سے لبنانی حدود میں داخل ہوا ہے۔

حزب اللہ نے مزید کہا: ان کی آمد کے بعد مزاحمتی جنگجوؤں نے ان فوجیوں کے راستے میں واقع "تل اسماعیل" کے علاقے میں ایک بم دھماکہ کیا جس سے ان میں سے متعدد ہلاک اور زخمی ہوئے۔

اس سے قبل صہیونی فوج نے اعتراف کیا تھا کہ اس کے چار فوجی جنوبی لبنان کے ساتھ مقبوضہ فلسطینی علاقوں کی سرحد پر زخمی ہوئے ہیں۔

صیہونی حکومت کی فوج کی رپورٹ کے مطابق اس حکومت کی فوجی گاڑی بارودی سرنگ سے ٹکرا گئی جس کے نتیجے میں چار مسافر زخمی ہوگئے جن میں سے ایک کی حالت تشویشناک ہے۔