غاصب صیہونی حکومت نے فلسطینی قیدیوں کے مطالبات کے سامنے گھٹنے ٹیک دیئے

غاصب صیہونی حکومت نے چالیس دنوں کے بعد بالآخر فلسطینی قیدیوں کے مطالبات کے سامنے گھٹنے ٹیک دیئے ہیں۔

تفصیلات کے مطابق اعلام ٹی وی نے اعلان کیا ہے کہ غاصب صیہونی حکومت نے چالیس دنوں کے بعد بالآخر فلسطینی قیدیوں کے مطالبات کے سامنے گھٹنے ٹیک دیئے ہیں۔

فلسطینی قیدیوں نے کہ جنہوں نے چالیس دنوں پہلے غاصب صیہونی حکومت کی قیدیوں سے متعلق پالیسیوں پر احتجاج کرتے ہوئے بھوک ہڑتال شروع کر دی تھی جیلوں کی انتظامیہ سے اپنے مطالبات کے سلسلے میں معاہدہ طے پاجانے کے بعد اپنی بھوک ہڑتال کو معطل کر دیا ہے۔

واضح رہے کہ فلسطینی قیدیوں نے سترہ اپریل سے غاصب صیہونی حکومت کی قیدیوں کے خلاف پالیسیوں کے خلاف بھوک ہڑتال شروع کردی تھی۔