بحرین میں سرکاری سطح پر شعیہ مخالف لٹریچر کی اشاعت
بحرین میں سرکاری سطح پر شعیہ مخالف لٹریچر کی اشاعت
بحرین کی وزارت دفاع سے وابستہ دینی ادارے نے شیعہ سنی اختلافات کو ہوا دینے کے مقصد سے ایسی کتابیں شائع کی ہیں جن میں شیعہ مسلمانوں کی توہین پر
بحرین کی وزارت دفاع سے وابستہ دینی ادارے نے شیعہ سنی اختلافات کو ہوا دینے کے مقصد سے ایسی کتابیں شائع کی ہیں جن میں شیعہ مسلمانوں کی توہین پر مبنی باتیں درج ہیں
شیئرینگ :
بحرین کی وزارت دفاع سے وابستہ دینی ادارے نے شیعہ سنی اختلافات کو ہوا دینے کے مقصد سے ایسی کتابیں شائع کی ہیں جن میں شیعہ مسلمانوں کی توہین پر مبنی باتیں درج ہیں۔ العالم ٹی وی چینل کی رپورٹ کے مطابق سعید القحطانی نے " کتاب و سنّت کی روشنی میں سنّت کا نور اور بدعت کی تاریکیاں " کے نام سے ایک کتاب شائع کی ہے جس میں اس نے اپنے زعم باطل کے مطابق اہل تشیع کا شمار گمراہ فرقوں میں کیا ہے۔ اس رپورٹ کے مطابق یہ کتاب آل خلیفہ کی وزارت دفاع کی جانب سے بحرین کے فوجیوں میں تقسیم کی گئی ہے۔ بحرین کے دینی ہدایت کے اس ادارے نے خود اخراجات اٹھاتے ہوئے اسی مصنف کی ایک اور کتاب " کتاب و سنّت میں توحید کا نور اور شرک کے اندھیرے " کے نام سے شائع کی ہے اور اسے اپنے ادارے کے ملازمین میں تقسیم کیا ہے۔ بحرین میں انسانی حقوق کمیٹی کی رپورٹ کے مطابق بحرین کی فوج نے اہل تشیع کی اڑتیس مساجد کے انہدام اور بعض مساجد کے اندر توہین آمیز جملے لکھنے میں اہم کردار ادا کیا ہے۔ واضح رہے بحرین میں اکثریت شیعہ مسلمانوں کی ہے جنہیں آل خلیفہ نے تمام حقوق سے محروم کردیا ہے۔ آل خلیفہ کی شاہی حکومت سعودی عرب اور امریکہ کی پٹھو حکومت ہے جو اھل تشیع کی اکثریت کو ختم کرنے کے لئے مختلف ممالک کے شہریون کو لاکر بحرین کی شہریت دے رہی ہے اور جو لوگ اس کےخلاف تحریک چلارہے ہیں ان کی شہریت سلب کررہی ہے۔ بحرین میں شیعہ مسلمانوں کےخلاف ہرطرح کا تعصب برتا جاتا ہے۔