سعودی شاہ کے خرچ پر قطری شہریوں کی حج کی ادائیگی کی مخالفت

قطر میں سماجی اور سیاسی کارکنوں نے سعودی عرب کے بادشاہ کے خرچ پر قطری شہریوں کے حج کی ادائیگی کی مخالفت کی ہے۔

قطر کے سماجی و سیاسی کارکنوں اور سوشل میڈیا پر کام کرنے والوں نے کہا ہے کہ وہ قطری عازمین حج کو سعودی بادشاہ کے خرچے سے حجاز مقدس روانہ کرنے یا صرف حاجیوں کے لئے زمینی سرحد کو کھولے جانے کے خلاف ہیں۔

قطر کے سماجی اور سیاسی کارکنوں کا کہنا ہے کہ قطر کے عازمین حج جو فریضہ حج ادا کرنا چاہتے ہیں وہ عمان اور کویت کے راستے مکہ و مدینہ جانے کے اپنے سابقہ پروگراموں کو تبدیل نہیں کریں گے۔

واضح رہے کہ سعودی عرب نے قطری حکومت کے مخالف عبداللہ بن علی بن جاسم آل ثانی کی ثالثی کے بعد قطری شہریوں کو حج کی ادائیگی کی اجازت دے دی۔

یہاں یہ بات قابل ذکر ہے کہ سعودی عرب قطری حکومت کے مخالف شہزادے عبداللہ بن علی بن جاسم آل ثانی کو قطر میں اقتدار کی کرسی پر بٹھانا چاہتاہے۔