ناجائز صہیونی ریاست کا وجود کو پوری انسانیت کے لئے بڑا خطرہ ہے
ڈاکٹر علی لاریجانی کا سید حسن نصراللہ کے نام کصوصی پیغام
ایرانی اسپیکر نے ناجائز صہیونی ریاست کے وجود کو پوری انسانیت اور علاقائی اقوام کے لئے بڑا خطرہ قرار دیتے ہوئے کہا ہے کہ مزاحمتی عمل کا تسلسل جاری رہنے سے فلسطین کی آزادی کے لئے مسلم امہ کو فتح حاصل ہوگی.
شیئرینگ :
ایرانی اسپیکر نے ناجائز صہیونی ریاست کے وجود کو پوری انسانیت اور علاقائی اقوام کے لئے بڑا خطرہ قرار دیتے ہوئے کہا ہے کہ مزاحمتی عمل کا تسلسل جاری رہنے سے فلسطین کی آزادی کے لئے مسلم امہ کو فتح حاصل ہوگی.
یہ بات 'علی لاریجانی' نے پیر کے روز لبنان کی مزاحمتی تنظیم حزب اللہ کے سیکرٹری جنرل 'سید حسن نصراللہ' کو صہیونی قبضے سے لبنان کے جنوبی علاقوں کی آزاد کی 17ویں سالگرہ کے موقع پر ایک خصوصی پیغام میں کہی.
اس موقع پر انہوں نے سید حسن نصراللہ کو صہیونیوں کے قبضے سے جنوبی لبنان کی آزادی کی 17ویں سالگرہ پر مبارکباد پیش کرتے ہوئے اور لبنانی قوم کے لئے نیک خواہشات کا اظہار کیا گیا.
علی لاریجانی نے کہا کہ جابر صہیونیوں کے خلاف اسلامی مزاحمت کی مسلسل کامیابیوں سے یہ بات ظاہر ہوتی ہے کہ باہمی اتحاد اور پختہ ارادوں سے ہی مقبوضہ فلسطین کی آزادی کے لئے مسلم امہ اپنی کامیابی حاصل کرسکتی ہے.
ایرانی اسپیکر نے کہا کہ یقینا لبنانی گروپوں کے درمیان مضبوط اتحاد اور ہم آہنگی سے ہی لبنانی قوم اور اسلامی مزاحمت کے لئے کامیابی کی راہ ہموار ہوگی.
واضح رہے کہ 25 مئی 2000ء میں ناجائز صیہونی ریاست لبنان کی سرزمین سے پسپائی پر مجبور ہوئی تھی جس کے نتیجے میں اس ملک کے مقبوضہ علاقے آزاد ہوگئے تھے.