ڈاکٹر علی لاریجانی کی پاراچنار خودکش حملے کی شدید مذمت

اسلامی جمہوریہ ایران کی مجلس شورائے اسلامی کے اسپیکر نے پاکستان کے شہر پاراچنار میں ہونے والے اندوہناک خودکش حملے کی شدید الفاظ میں مذمت کی ہے.

ڈاکٹر علي لاريجاني نے اپنے پاكستاني ہم منصب كے نام پيغام ارسال کیا ہے جس میں كہا ہے كہ ہم يوم القدس ميں پيش آنے والے اس دردناك سانحہ پر پاكستاني عوام اور حكومت كو تعزيت پيش كرتے ہيں.

انہوں نے شہيد ہونے والے افراد كے لواحقين كے ساتھ بھي دلي تعزيت پيش كی ہے اور زخمي ہونے والے افراد كے لئے اللہ تعالي سے جلد صحت يابي كي درخواست كی ہے.

واضح رہے کہ پاکستان کے علاقے کرم ایجنسی کے صدر مقام پاراچنار میں یکے بعد دیگرے 2 دھماکوں کے نتیجے میں 100 سے زائد افراد جاں بحق اور 200 سے زائد زخمی ہوگئے تھے۔

ادھر زرائع نے بتایا ہے کہ آج عید کے دن بھی ہزاروں افراد کا جم غفیر پولیٹیکل ایجنٹ کے دفتر کے سامنے دھرنا دیئے بیٹھا ہے اور انہوں نے کسی بھی مقامی افسر یا انتظامیہ سے مذاکرات کرنے سے انکار کر دیا ہے۔

شہدا کے لواحقین کا کہنا ہے کہ وہ صرف آرمی چیف یا وزیراعظم سے مذاکرات کریں گے اور مطالبات کی منظوری تک دھرنے اور احتجاج کا سلسلہ جاری رہے گا۔