نائجیریا میں وہابیت اور تکفیریت عام مسلمانوں کی جان کے درپے ہے
دشمن یہ نہیں چاہتا کہ ہم وحدت اور بھائی چارے کے ساتھ زندگی گذاریں
تیسویں عالمی وحدت اسلامی کانفرنس کے اسلامی حقوق بشر کمیشن کے سربراہ نے اس امید کا اظہار کیا ہے کہ عالمی وحدت اسلامی کانفرنس کے شرکاء وحدت اور بھائی چارے کے عظیم پیغام کو دنیا کے کونے کونے میں پھیلائیں گے۔
شیئرینگ :
تیسویں عالمی وحدت اسلامی کانفرنس کے اسلامی حقوق بشر کمیشن کے سربراہ نے اس امید کا اظہار کیا ہے کہ عالمی وحدت اسلامی کانفرنس کے شرکاء وحدت اور بھائی چارے کے عظیم پیغام کو دنیا کے کونے کونے میں پھیلائیں گے۔
مسعود شجرہ نے تیسویں عالمی وحدت اسلامی کانفرنس کی اختتامی تقریب میں نائیجیریا کی موجودہ صورتحال پر تفصیلی گفتگو کرتے ہوئے کہا کہ شیخ زکزکی عالم اسلام کی ایک اہم شخصیت ہیں اور آج ہم وحدت کانفرنس میں ان کی شدت سے کمی محسوس کر رہے ہیں۔
انہوں نے کہا کہ شیخ زکزکی کی موجودہ صورتحال ان کی تقریبی کوششوں کی وجہ سے ہوئی ہے کیونکہ ہمارا دشمن یہ نہیں چاہتا کہ ہم وحدت اور بھائی چارے کے ساتھ زندگی گذاریں۔
مسعود شجرہ نے مزید کہا کہ نائجیریا میں وہابیت اور تکفیریت عام مسلمانوں کی جان کے درپے ہے اور یہ بات روز روشن کی طرح عیاں ہے کہ عالم اسلام میں جو لوگ بھی وحدت اور بھائی چارے کی فضا قائم کرنے کی کوشش کریں گے اور شیعہ اور اہل سنت کو نزدیک لانے کی کوشش کریں گے انہیں نقصان پہنچانے کی کوشش کی جائے گی۔
انہوں نے کہا کہ نائجیریا میں سینکڑوں مظلوموں کو تکفیریوں نے موت کے گھاٹ اتار دیا اور مسلمانوں کی ایک بڑی تعداد اس وقت جیلوں میں قید ہے۔
مسعود شجرہ نے کہا کہ اس طرح کے اقدامات سے کس کو فاءدہ پہنچ رہا ہے ؟ اس میں کوئی شک نہیں کہ اس تمام صورتحال سے اصل فائدہ سعودی عرب اور غاصب صیہونی حکومت اٹحا رہے ہیں۔