لاہور سے گرفتار دہشتگردوں کی ساتھی حیدرآباد کی لاپتہ نورین نکلی

خفیہ معلومات کی بنیاد پر پنجاب ہاؤسنگ سوسائٹی لاہور کے قریب سکیورٹی فورسز کے آپریشن کے دوران گرفتار ہونے والی خاتون کی شناخت نورین لغاری کے نام سے ہوئی ہے جو داعش میں شمولیت کیلئے گھر سے فرار ہوئی تھی۔

نورین نے دو ماہ شام میں داعش کے ساتھ گزارے اور چھ روز قبل ہی پاکستان واپس آئی تھی۔ کارروائی میں دہشتگردوں کے قبضے سے خود کش جیکٹس اور بارودی مواد بھی برآمد کیا گیا تھا۔

جائے وقوعہ سے نورین کا کالج کارڈ، اس کے والد کا شناختی کارڈ اور والد کا خط بھی ملا ہے۔

حساس اداروں نے حیدرآباد پولیس سے بھی رابطہ کیا ہے۔ نورین دس فروری کو حیدرآباد سے لاپتہ ہوئی تھی۔ وہ لیاقت میڈیکل یونیورسٹی کی طالبہ تھی۔