ہاشمی رفسنجانی مفاہمت اور امن کے پیامبر سمجھے جاتے تھے

وزیر اعظم میاں محمد نواز شریف نے ایران کے سابق صدر آیت اللہ اکبر ہاشمی رفسنجانی کی وفات پر گہرے دکھ کا اظہار کیا ہے۔ انہوں نے کہا ہے کہ ہاشمی رفسنجانی نہ صرف ایران کی مقبول شخصیت تھے، بلکہ وہ دنیا میں مفاہمت اور امن کے پیامبر سمجھے جاتے تھے۔ 

وزیر اعظم نواز شریف نے سابق ایرانی صدر اکبر ہاشمی رفسنجانی کی وفات پر پاکستانی حکومت اور عوام کی طرف سے ان کے لواحقین اور ایرانی عوام سے تعزیت کی ہے۔ 

انہوں نے کہا ہے کہ ہاشمی رفسنجانی نہ صرف ایران میں مقبول شخصیت تھے بلکہ دنیا میں مفاہمت اور امن کے پیامبر سمجھے جاتے تھے، ان کا شروع کردہ مفاہمتی ایجنڈہ نہ صرف ایران بلکہ پوری امت کیلئے باعث رہنمائی تھا، ان کی وفات سے عالم اسلام ایک مفاہمت اور امن پسند قائد سے محروم ہو گیا ہے۔