رہبرانقلاب اسلامی نے فرمایا ہے کہ دشمن کی یہ توقع احمقانہ ہے کہ ایران کا میزائیلی پروگرام محدود ہوسکتا ہے۔ رہبرانقلاب اسلامی حضرت آیت اللہ العظمی سید علی خامنہ ای نے آج سپاہ پاسداران کی ایرو اسپیس شعبہ کی مصنوعات کی نمائش کا معائنہ کرنے کےبعد سپاہ کے اعلی کمانڈروں سے خطاب میں فرمایا کہ مغربی ممالک ایسے عالم میں ایران کے میزائیلی پروگرام کے محدود ہونے کی امید لگائے بیٹھے ہیں جبکہ وہ مسلسل ایران کو حملوں کی دھمکیاں دے رہے ہیں لہٰذا اس طرح کی توقع ایک احمقانہ توقع ہے۔