مجلس وحدت مسلمین پاکستان کے صوبائی سیکرٹری جنرل گلگت بلتستان کا اپنے ایک بیان میں کہنا ہے کہ اس نازک مرحلہ اور ان حساس حالات میں ملت کو داخلی اتحاد کی اشد ضرورت ہے۔

تقریب نیوز (تنا): مجلس وحدت مسلمین گلگت بلتستان کے صوبائی سیکرٹری جنرل مولانا شیخ نیئر عباس مصطفوی نے اپنے ایک بیان میں ملک بھر میں جاری شیعہ نسل کشی کی شدید مذمت کی ہے۔ انہوں نے حکمرانوں اور ریاستی اداروں کی مسلسل خاموشی اور روایتی بیانات پر شدید غم و غصے اور تشویش کا اظہار کرتے ہوئے موقف اختیار کیا ہے کہ ہمارے تمام مسائل کا حل ملی اتحاد میں ہی پوشیدہ ہے۔
 
ان کا مزید کہنا تھا کہ ضرورت اس امر کی ہے کہ ملت جعفریہ ان نازک اور حساس حالات میں داخلی اتحاد کا عملی مظاہرہ کرتے ہوئے اپنے حقوق کیلئے مشترکہ جدوجہد کا آغاز کرے۔