امام باڑہ آقا باقر میں مجلس چہلم سے خطاب کرتے ہوئے ہندوستان کے مشہور عالم دین اور اسکالر مولانا ڈاکٹر کلب صادق نے کہا: مسلمان آپس میں لڑتے ہیں تو اسلام بدنام ہوتا ہے۔

تقریب نیوز (تنا): امام باڑہ آقا باقر میں مجلس چہلم سے خطاب کرتے ہوئے ہندوستان کے مشہور عالم دین اور اسکالر مولانا ڈاکٹر کلب صادق نے کہا: مسلمان آپس میں لڑتے ہیں تو اسلام بدنام ہوتا ہے۔ اس مجلس کا آغاز تلاوت کلام اللہ پاک سے ہوا بعدہ شعراء کرام نے منظوم نظرانہ عقیدت پیش کیا۔

آل انڈیا مسلم پرنسل لا بورڈ کے نائب صدر مولانا ڈاکٹر کلب صادق نے مجلس کو خطاب کرتے ہوئے مسلمانوں کے موجودہ صورت حال کا جائز لیتے ہوئے کہا: عصر حاضرمیں مسلمانوں کے حالات بدتر ہیں، مسلمانوں کو بارگاہ خداوندی میں رجوع کرکے اپنی خطاؤں کی توبہ کرنی چاھئے۔

انہوں نے عالم اسلام میں چھڑی آپسی اور برادرانہ جنگ پر تشویش کا اظھار کیا اور کہا: جب مسلمان آپس میں لڑتا ہے تو دین اسلام بدنام ہوتا ہے۔

انہوں نے رمضان المبارک میں ہوئے فسادات کو افسوس ناک جانا اور کہا: قران کریم میں واضح طور سے موجود ہے کہ کسی کے جرم کی سزا کسی دوسرے کو نہیں دی جاسکتی، اس لئے جن لوگوں نے کسی کا بھی گھر جلایا ہو، کسی بے گناہ کو زخمی کیا ہو وہ ظالم ہیں اور بارگاہ خداوند متعال ان سے سخت حساب ہوگا۔

انہوں نے یہ کہتے ہوئے کسی بھی مسلمان کو کسی بھی کافر پر ظلم کی اجازت نہیں ہے تو پھر کسی مسلمان پر ظلم کس طرح جائز ہوسکتا ہے کہا: جو ظلم کرتا ہے وہ اللہ کی نافرمانی کرتا ہے جس کی اسے ضرور سزا ملے گی۔