اسلامی ممالک نے ولی فقیہ کے نہ ہونےکی وجہ سے بہت سے صدمات برداشت کیے ہیں

تقریب نیوز (تنا): رپورٹ کے مطابق حجۃ الاسلام محسن قرائتی نے گزشتہ روز صوبہ البرز کے لڑکیوں کے دینی مدرسے کے ایک اجتماع سے خطاب کرتے ہوئے کہا ہے کہ دنیا کے مختلف ممالک میں موجود علوم وفنون سے استفادہ کرکے اسلامی معاشروں کی نظریاتی ترقی کی راہ ہموار کی جاسکتی ہے تاہم اس اہم موضوع کے باوجود اسلامی معاشروں کوثقافتی اعتبارسے اپنے ہاتھ پاوں گم نہیں کرنے چاہییں بلکہ اسلامی معاشروں کو اپنی طاقت اورتوان پراعتماد کرکے ترقی کرنی چاہیے۔

انہوں نے انسانوں کی مادی اورروحانی زندگی میں قرآن کریم کی تاثیر کی ضرورت پرزوردیتے ہوئے کہا ہے کہ قرآن کریم تمام الہی برکات کا سرچشمہ ہے اوراس کی تعلیمات مسلمانوں سے مختص نہیں ہیں بنابرایں ہمیں اپنے تمام سیاسی، سماجی اورثقافتی امورمیں اس الہی کتاب کے بنیادی اصولوں سے استفادہ کرنا چاہیے۔

حجۃ الاسلام قرائتی نے ایران کی اسلامی حکومت اوردیگرحکومتوں کے مابین فرق کی طرف اشارہ کرتے ہوئے کہا ہے کہ اس وقت اسلامی نظام میں ایک عادل مجتہد کے عنوان سے ولی فقیہ کی حکمرانی ہے کہ جو ہمارے اسلامی وطن کے لیے سربلندی کا باعث ہے اوریہ اسلامی حکومت کا اہم ترین رکن شمارہوتا ہے۔