تقریب نیوز (تنا): امیر حزب الانصار مولانا ابرار احمد بگوی نے کہا ہے کہ اسلام حلیمی، رواداری، محبت اورصبر کا دین ہے اور ہر انسان کی فلاح اسی دین میں مضمر ہے۔ بھیرہ ضلع سرگودہا میں اپنے بیان میں انہوں نے کہا کہ ہمیں فرقہ واریت اور گروہ بندی سے اجتناب کرتے ہوئے باہمی اتحاد اور اتفاق پیدا کر کے اسلام دشمنوں کا مقابلہ کرنا چاہئے۔

انہوں نے کہا کہ کربلا میں قافلہ حسینی نے جو باب رقم کیا وہ پوری انسانیت کے لئے فلاح کا نمونہ ہے۔ انہوں نے کہا کہ ہمیں فلسفہ حسینی ؓ کی پیروی کرنی ہو گی، محرم الحرام میں ہمیں امن قائم رکھنے کے لئے ایک دوسرے کے عقائد کا احترام کر نا ہو گا تاکہ کوئی بد بخت معاشرتی امن تباہ نہ کر سکے۔