اہل بیت(ع) سے ایرانی عوام کی محبت نے انہیں پابندیوں کے مقابلے میں استحکام عطا کیا ہوا ہے

تقریب نیوز (تنا): ایران کے شہراصفہان کی اسلامی کونسل کے سربراہ رضا امینی نے شبستان کے نامہ نگارسے بات چیت کے دوران کہا ہے کہ ایرانی عوام ہمیشہ سے اہل بیت علیہم السلام سے عشق ومحبت کرتی رہی ہے اوریہ عشق اورمحبت ہی ہے کہ جس کی وجہ سے وہ مغرب اوردشمن کی سیاسی اورمعاشی پابندیوں کا ڈٹ کرمقابلہ کررہی ہے۔

انہوں نے مزید کہا ہے کہ ایرانی عوام کی اہل بیت علیہم السلام سے محبت کی بہت زیادہ فضیلت ہے اوراسی عشق ومحبت کی وجہ سے ہی دشمن،اس ملت کونقصان نہیں پہنچاسکتا ہے۔

انہوں نے حضرت اباعبداللہ الحسین علیہ السلام کی عزاداری کے پروگراموں میں لوگوں کی بھرپورشرکت کی طرف اشارہ کرتے ہوئے کہا ہے کہ یہ شرکت اس بات کی عکاسی کرتی ہے کہ لوگ دینی اورثقافتی موضوعات کوپسند کرتےہیں۔