تقریب نیوز (تنا): رپورٹ کے مطابق حوزہ علمیہ قم میں درس خارج کے مشہور استاد آیت ‌الله سید محمد علی علوی‌ گرگانی نے امام حسین (ع) یونیورسیٹی کے طلاب کے ایک گروہ سے ملاقات میں اس بیان کے ساتھ کہ خداوند عالم نے آپ جوانوں کو ایک عظیم نعمت عنایت کی ہے بیان کیا: یہ کہ آپ لوگوں کے لئے مناسب موقع فراہم ہوا ہے کہ انقلاب اسلامی حکومت کے زیر سایہ زندگی بسر کر رہے ہیں جو خدا کی طرف سے ایک عظیم نعمت ہے۔

انہوں نے وضاحت کی: آپ جوان اپنی قدر خود جانیں اور ان نعمتوں سے استفادہ کریں لیکن اس انقلاب کی اہمیت وہ لوگ اچھی طرح جانتے ہیں جو اسلامی انقلاب سے پہلے بادشاہوں کی حکومت کی مشکلات برداشت کر چکے ہیں۔

حوزہ علمیہ قم کے مشہور استاد نے سلامتی و خوشی کی نعمت کی طرف اشارہ کرتے ہوئے اظہار کیا: نعمت خوشی کی اہمیت اس وقت انسان سمجھتا ہے جب مشکلات سے گذر چکا ہوتا ہے اور بیماری کو جھیل چکا ہوتا ہے، سالم و صحت مند افراد خداوند عالم کے اس نعمت کی طرف کم توجہ کرتے ہیں۔

آیت‌ الله علوی گرگانی نے وضاحت کی: وہ لوگ اس حکومت کے قدردان ہیں جنہوں نے سابق حکومت کو اپنی آنکھوں سے مشاہدہ کیا ہے کہ کس طرح لوگوں کے دین، اعتقاد و عزت سے کھلواڑ کرتے تھے اور کس طرح جوانوں سے اپنی غلط فکر و مقصد کے لئے فائدہ اٹھاتے تھے اور یونیورسیٹی میں علم حاصل کرنے کے لئے لڑکے اور لڑکیاں مجبور تھے مخلوط پریڈ کریں اور لڑکیاں پر حجاب کی پابندی تھی، یہ مسئلہ بہت سخت تھا جو مومنوں کے درد دل کا سبب ہوتا تھا۔

انہوں نے بیان کیا: خدا کا شکر ہے اس وقت آپ دیکھ رہے ہیں کہ اسلامی جمہوریہ حکومت میں اس طرح کے مسائل کا مشاہدہ نہیں ہو رہا ہے اور لوگ سلامتی و آرام سے زندگی بسر کر رہے ہیں اور جوان اس ملک کے ثروت میں سے ہیں۔

حوزہ علمیہ قم کے مشہور استاد نے اس بیان کے ساتھ کہ حقیقت اسلام محبت و مہربانی کے ساتھ ہے اور اس دین کی اہمیت کی قدردانی کرنی چاہیئے وضاحت کی: جب نظام جمہوریہ اسلام کے تمام جوانب کا جائزہ لینگے تو معلوم ہوگا کہ یہ حکومت دین مبین اسلام سے حاصل کیا گیا ہے جو محبت و اس نعمت سے مخلوط ہوا ہے جو خداوند عالم نے ہم لوگوں کو عنایت کی ہے۔