روس کا کہنا ہے کہ امریکہ، ایران کو مشترکہ ایٹمی معاہدے کے فوائد سے محروم کرنے کی کوشش کر رہا ہے۔
انٹر فیکس کی رپورٹ کے مطابق روس کے نائب وزیر خارجہ سرگئی ریابکوف نے کہا ہے کہ امریکہ ایران کو مشترکہ ایٹمی معاہدے کے فوائد  سے محروم کرنے کی کوشش کررہا ہے اور امریکہ کا یہ اقدام معاہدے کے خلاف ہے۔
روس کے نائب وزیر خارجہ کا کہنا تھا کہ ایران 2015 سے مشترکہ ایٹمی معاہدے پرعمل کررہا ہے لیکن ہمیں اس بات پر تشویش ہے کہ تہران کو مشترکہ ایٹمی معاہدے کے فوائد سے محروم کیا جارہا ہے۔
سرگئی ریابکوف نے کہا کہ بین الاقوامی ایٹمی ایجنسی نے بھی اپنی متعدد رپورٹوں میں اس بات کی تائید اور تصدیق کی ہے کہ ایران مشترکہ ایٹمی معاہدے پرصاف اور شفاف طریقے سے عمل پیرا ہے لیکن اسے اس معاہدے کے فوائد سے محروم کیا جارہا ہے جس پر سخت تشویش لاحق ہے۔
روس کے نائب وزیر خارجہ نے کہا کہ ایران کے خلاف امریکی اقدامات غیر قانونی ہیں۔