کورونا وائرس کی موجودگی میں رمضان مبارک کے موقع پر گھروں میں رہا جائے
تقریب خبر رساں ایجنسی کے مطابق نجف اشرف میں بزرگ مرجعہ عالی قدر آیت اللہ سید علی سیستانی حفظہ اللہ تعالی نے عراق میں کورونا وائرس کے باعث ایجاد ہونے والی صورتحال کے پیش نظر رمضان مبارک کے موقع پر گھروں پر رہنے کا فتوا دیا ہے
آیت اللہ سیستانی نے فرمایا " روزہ ہر مسلمان پر واجب ہے لیکن اگر کوئی شخص روزہ رکھنے کی شرائط نہیں رکھتا تو اس پر روزہ ساقط ہوجاتا ہے اسی طرح اگر کسی کو اس بات کا یقین ہوجائے کہ وہ کورونا سے مبتلا ہوسکتا ہے تو اس پر بھی روزہ واجب نہیں ہے۔ لیکن اس ساتھ ہی لازم ہے کہ تمام ترضروری ہدایت پر عمل کرے اور پھر مسئلہ کو تشخیص دے۔
وہ افراد جو کورونا سے محفوظ رہنے کے لیے تمام وقت گھر میں ہی موجود ہیں تو ان افراد پر روزہ ساقط نہیں ہوگا لیکن وہ افراد جو کسی بھی صورت میں اپنا کام ترک نہیں کرسکتے اور اس بات کا خوف ہے کہ اگر کم پانی پیے تو وائرس سے مبتلا ہوسکتے ہیں اور کوئی دوسرا کام بھی نہیں کرسکتے جس کے زریعے سے کورونا سے محفوظ رہ سکے تو ان افراد پر روزہ واجب نہیں ہے، لیکن ان افراد کے لیے لازم ہے ماہ مبارک رمضان کی حرمت کا پاس رکھیں۔