فلسطین کی وزارت صحت نے مقبوضہ بیت المقدس کی الرام بستی میں آج ہونے والی جھڑپوں میں شدید زخمی ہونے والے 22 سالہ فلسطینی نوجوان "یوسف یحییٰ محیسن" کی شہادت کا اعلان کیا۔

"یوسف یحییٰ محیسن" مقبوضہ بیت المقدس کے شمال میں الرام بستی میں اسرائیلی فوجیوں کی براہ راست گولی لگنے سے زخمی ہوئے اور کچھ دیر قبل فلسطینی وزارت صحت نے ان کی شہادت کی خبر سنائی۔

محیسن کی شہادت سے آج فلسطینی شہداء کی تعداد 10 ہو گئی اور 2023 کے آغاز سے فلسطینی شہداء کی تعداد 30 ہو گئی۔

فلسطینی ذرائع نے اس سے قبل مقبوضہ بیت المقدس کے شمال میں الرم بستی میں فلسطینی نوجوانوں اور اسرائیلی فوجیوں کے درمیان تصادم کی اطلاع دی تھی۔