عراقی حکومت کے ایک ذریعے نے آج (بدھ) کو ایرتھ نیوز ویب سائٹ کو بتایا کہ قطر کے امیر «تمیم بن حمد آل ثانی» اگلے ماہ بغداد کا دورہ کرنے والے ہیں۔

اس سفر کو "اہم" قرار دیتے ہوئے انہوں نے کہا کہ قطر کے امیر بغداد میں صدر، وزیر اعظم، پارلیمنٹ کے اسپیکر کے علاوہ عراقی سیاسی رہنماؤں سے ملاقات اور بات چیت کرنے کا ارادہ رکھتے ہیں۔

عراقی حکومت کے اس ذریعے کے مطابق ت«تمیم بن حمد آل ثانی» کاروباری معاملات، سرمایہ کاری، سیکورٹی تعاون اور دیگر امور کے حوالے سے عراقی حکام سے بھی مشاورت کرنے والے ہیں۔

قطر کے امیر آخری بار 6 شہرور 2020 کو بغداد میں ہونے والے اجلاس میں شرکت کے لیے عراق گئے تھے۔ اس اجلاس میں فرانس کے صدر ایمانوئل میکرون، مصری صدر عبدالفتاح السیسی، اردن کے شاہ عبداللہ دوم، ایرانی وزیر خارجہ حسین امیر عبداللہیان، کویتی وزیر اعظم صباح خالد الصباح اور مولود چاوش اوغلو نے شرکت کی۔ 

قطر کے امیر کا عنقریب دورہ عراق ایسی حالت میں ہے جب دونوں فریقوں نے تیل اور گیس کے شعبے میں وسیع اقتصادی تعاون کا آغاز کیا ہے اور گزشتہ روز عراقی وزیر تیل حیان عبدالغنی نے قطر کے اقتصادی اجلاس میں شرکت کی اور کہا کہ دوحہ نے اقتصادی تعاون کو فروغ دیا ہے۔

اس سلسلے میں، قطر نے حال ہی میں عراق کے جی جی اے ٹی پروجیکٹ کے 25% حصص کی ملکیت پر رضامندی ظاہر کی ہے، جس کا مقصد قدرتی گیس کے وسائل کو ترقی دینا ہے۔ اس منصوبے میں ریاستی کمپنی "بصرہ آئل" 30% اور فرانسیسی ٹوٹل انرجی کمپنی 45% حصہ ڈالے گی۔

لیکن قطریوں کی عراقی توانائی کی منڈی میں شرکت کی شدید خواہش کے علاوہ، دوحہ کا کچھ سنی سیاسی گروہوں، خاص طور پر اخوان کے گروپوں میں بھی کافی اثر و رسوخ ہے۔ دوحہ اور کردستان ریجن کے درمیان تعلقات میں بھی تبدیلیاں دیکھنے میں آئی ہیں اور دو ہفتے قبل قطر نے اربیل میں قونصل خانہ کھولنے کا اعلان کیا تھا۔