ترکی کے ایک سینئر سفارت کار نے جمعہ کو اعلان کیا کہ ترکی اناج کی برآمد کے معاہدے میں توسیع کے لیے روس اور یوکرین کے ساتھ رابطے میں ہے۔

اٹلی میں ترکی کے سفیر،نے بتایا: انقرہ اناج کے معاہدے میں توسیع کے لیے ماسکو اور کیف کے ساتھ رابطے میں ہے جو 17 جولائی کو ختم ہو جائے گا۔ 18 مارچ کو، روس نے بحیرہ اسود کے ذریعے اناج کی برآمد کے اقدام کو 60 دن (17 جولائی تک) تک بڑھانے کا اعلان کیا۔

روسی وزیر خارجہ سرگئی لاوروف نے 3 جون کو کہا کہ معاہدے میں توسیع کا کوئی جواز نہیں ہے۔

لاوروف نے استنبول میں جوائنٹ کوآرڈینیشن سینٹر (JCC) کے اعدادوشمار کی طرف اشارہ کیا، جو بحیرہ اسود کے منصوبے کے تحت یوکرین کی زرعی مصنوعات کی ترسیل کرنے والے تمام بحری جہازوں کو رجسٹر کرتا ہے۔ ان اعدادوشمار کے مطابق یوکرین سے ہر ماہ دو بحری جہاز ضرورت مند ممالک کے لیے بھیجے جانے چاہیے تھے لیکن اب ان جہازوں کی تعداد 90 تک پہنچ گئی ہے۔

مذکورہ بالا معاہدے پر ترکی، اقوام متحدہ، روس اور یوکرین نے گزشتہ جولائی کو استنبول میں دستخط کیے تھے۔ اس معاہدے کا مقصد یوکرین کی بندرگاہوں سے اناج کی برآمد کو دوبارہ شروع کرنا تھا جو روس اور یوکرین کے درمیان جنگ کی وجہ سے روک دیا گیا تھا۔

اس معاہدے کو اس کے نفاذ کے بعد سے کئی بار بڑھایا جا چکا ہے، آخری بار 18 مئی کو دو ماہ کے لیے تھا۔

ان دو مہینوں کے تقریباً 35 دن گزر چکے ہیں۔ گزشتہ ہفتے، گوٹیرس نے معاہدے سے دستبرداری کے بارے میں پوٹن کے تبصروں کے بعد، معاہدے کی تجدید نہ کرنے کے ماسکو کے ممکنہ فیصلے پر تشویش کا اظہار کیا۔