شام کے وزیر دفاع علی محمود عباس نے عمان میں اردن کے جوائنٹ چیفس آف اسٹاف یوسف الحنتی سے ملاقات کی۔

اس ملاقات میں اردنی انٹیلی جنس ایجنسی کے ڈائریکٹر "احمد حسنی" اور ان کے شامی ہم منصب "حسام لوقا" موجود تھے۔

اردن کی وزارت خارجہ نے ایک بیان میں اعلان کیا ہے کہ یہ ملاقات اردن اور شام کی مشترکہ کمیٹی کے اجلاسوں کی مناسبت سے ہوئی ہے جو دونوں ممالک کی سرحدوں سے منشیات کی اسمگلنگ سے نمٹنے کے شعبے میں تعاون پر مبنی ہے۔

اردن کی ویب سائٹ  کے مطابق اس میٹنگ میں منشیات کے خطرات سے نمٹنے کے لیے تعاون، اس کی پیداوار اور اسمگلنگ کے ذرائع اور ان اداروں کو جو ان مادوں کو اردن کی سرحدوں کے ذریعے اسمگل کرنے کی کارروائیوں کو منظم اور نافذ کرنے کے ذمہ دار ہیں، کا جائزہ لیا گیا۔

اس کے علاوہ اسمگلنگ کے خلاف جنگ اور پورے خطے کے لیے اس کے بڑھتے ہوئے خطرات سے نمٹنے کے لیے ضروری اقدامات کا جائزہ لیا گیا۔