لبنانی روزنامہ الاخبار نے 2 اگست کو رپورٹ کیا کہ خلیجی ممالک جیسے متحدہ عرب امارات اور سعودی عرب کی طرف سے شام میں انسانی امداد اور سرمایہ کاری کے تمام وعدے امریکی انتباہات اور دھمکیوں کے نتیجے میں منجمد کر دیے گئے ہیں۔

عرب سفارتی ذرائع نے الاخبار کو بتایا کہ "شام کی مدد کرنے اور اس میں سرمایہ کاری کو فعال کرنے کے تمام اماراتی اور سعودی وعدے کئی سطحوں پر زبانوں اور کاغذ پر سیاہی بن کر رہ گئے، اور ان میں سے کسی کا بھی حقیقت میں عمل نہیں کیا گیا۔"

ذرائع کے مطابق، متحدہ عرب امارات نے ان سرمایہ کاری اور امداد کی منتقلی کو عملی جامہ پہنانے سے "روکنے کے لیے امریکی پابندیوں کی صلاحیت کو کم سمجھا"۔

"یہ واضح ہوگیا کہ امریکی پابندیاں اور انتباہات امریکیوں کی جانب سے اماراتی اور سعودی حکام کو  پہلے ہی شام میں سرمایہ کاری کی کسی بھی نئی کوشش کو ناکام بنانے میں کامیاب ہوچکے ہیں ،اماراتی سرمایہ کاری کے ایسے منصوبے ہیں جو شام میں پہلے سے موجود ہیں، لیکن ان پر غیر مستحکم سیکورٹی حالات کے بہانے کام روک دیا گیا ہے،

6 فروری کے زلزلے کے بعد جس نے ترکی اور شام کو تباہ کر دیا تھا، دمشق کو عربوں سے گلے لگانے کا آغاز کیا گیا تھا - جس میں متعدد عرب ریاستوں بشمول خاص طور پر سعودی عرب نے بشار الاسد کی حکومت کے ساتھ سفارتی تعلقات بحال کیے تھے۔

اگرچہ اس سے ابتدائی طور پر شام کے بحران کے فوری خاتمے اور ملک کی تعمیر نو میں سہولت کی امید پیدا ہوئی تھی، لیکن اسد کے ساتھ معمول پر آنے کے خلاف امریکی پابندیوں اور سیاسی دباؤ کی مہموں نے ایسی امیدوں کو روک دیا ہے۔

امریکی قانون سازوں نے قانون سازی بھی متعارف کرائی ہے جس کا مقصد ان ممالک کو نشانہ بنانا ہے جو شامی حکومت کے ساتھ تعلقات کو معمول پر لاتے ہیں۔

31 جولائی کو شام کے وزیر خارجہ فیصل مقداد نے مغربی رہنماؤں پر الزام لگایا کہ وہ شام کے ساتھ تعلقات کو معمول پر لانے سے روکنے کے لیے عرب ریاستوں پر پابندیاں لگانے کی دھمکی دے رہے ہیں۔ تاہم، انہوں نے مزید کہا کہ "ہمارے عرب بھائی مغربی بلیک میلنگ کے سامنے سرتسلیم خم نہیں کریں گے،" اس بات پر زور دیتے ہوئے کہ عرب ممالک کے ساتھ بات چیت "امریکی اثر و رسوخ سے بہت دور ہے۔"

بغداد اور دمشق کے درمیان دراڑ پیدا کرنے کی امریکی کوششوں کے باوجود، جیسا کہ الاخبار بیان کرتا ہے، دونوں ریاستوں نے کئی شعبوں میں قریبی تعاون جاری رکھا ہے۔

عراقی وزیر اعظم محمد شیعہ السوڈانی کے شام کے حالیہ دورے اور اسد سے ملاقات کے ایک حصے کے طور پر، بہت سی چیزوں پر تبادلہ خیال کیا گیا، بشمول امریکی قبضے کی وجہ سے پیدا ہونے والی شدید قلت سے نمٹنے کے لیے توانائی کے تعاون میں اضافہ پر بات کی گی ہے۔

جب کہ امریکہ منظم طریقے سے دمشق کے ساتھ عربوں کے تعلقات میں رکاوٹیں ڈال رہا ہے، ملک میں اس کی قابض افواج مبینہ طور پر نئی فوجی کارروائی کی تیاری کر رہی ہیں - یہ ایران کے حمایت یافتہ مزاحمتی گروپوں کی تیاریوں کے ساتھ موافق ہے۔

الاخبار کے مطابق، امریکہ اپنی کرد پراکسی، سیریئن ڈیموکریٹک فورسز (ایس ڈی ایف) کے ساتھ ساتھ دیگر دھڑوں اور انتہا پسند مسلح گروپوں کو مضبوط کرنے کی کوشش کر رہا ہے جنہیں شام کے جنوب مشرقی التنف علاقے میں امریکی اڈے کے اندر تربیت دی جا رہی ہے۔

رپورٹ میں کہا گیا ہے کہ "اعلان کردہ مقصد البوکمال شہر پر قبضہ کرنا ہے تاکہ دمشق اور بغداد کے درمیان سڑک کو منقطع کیا جا سکے،" اس طرح ایرانی گہرائی تک رسائی میں رکاوٹ پیدا ہو رہی ہے۔

تاہم، یہ امریکی اقدام محور کے لیے شام کے صحرا میں امریکی افواج پر حملہ کرنے اور انہیں اس حساس علاقے سے نکالنے کا ایک موقع ہوگا۔

اخبار نے مزید کہا ہے کہ بدیہ صحرائی علاقے اور سویدا میں شام، ایران اور روس کے مشترکہ تعاون سے - ممکنہ طور پر "فوجی تیاریاں" ہیں، جسے "امریکی التنف بیس پر زمینی حملے کی تیاری سمجھا جا سکتا ہے، شاید اس سے پہلے ڈرون اور بیلسٹک میزائلوں سے حملہ کیا گیا۔

جیسا کہ امریکی قبضے پر ایسے حملے کا خطرہ منڈلا رہا ہے، واشنگٹن حال ہی میں شام میں اپنے قبضے کو نمایاں طور پر تقویت دے رہا ہے۔

ایک گمنام امریکی فوجی اہلکار نے حال ہی میں کہا ہے کہ شام سے واشنگٹن کی فوجوں کے انخلاء کے لیے دباؤ ڈالنے کے لیے روس اور ایران کی مشترکہ مہم چلائی جا رہی ہے۔