ایران کے منجمد اثاثے جنوبی کوریا سے سوئٹزرلینڈ کے سنٹرل بینک منتقل کر دیئے گئے۔

روئٹرز نے پیر کے روز جنوبی کوریا کے غیر سرکاری ذرائع کے حوالے سے رپورٹ دی ہے کہ ایران کے منجمد اثاثوں کی آزادی کے تناظر میں ایران کے اثاثے کو سوئٹزرلینڈ پہنچا دیا گیا ہے۔

ابھی تک جنوبی کوریا کی سرکاری نیوز ایجنسی " یونہاپ " نے اس سلسلے میں کوئي خبر نہيں دی ہے ۔

روئٹرز نے یہ خبر " یونہاپ انفومکس" نیوز وب  سائٹ کے حوالے سے دی ہے جس نے ایک نا معلوم تجارتی ذریعے کا حوالہ دیا ہے۔

روئٹرز نے لکھا ہے کہ جنوبی کوریا میں مالیاتی امور کی وزارت کے ایک عہدیدار نے اس معاملے کی سیاسی و قانونی اہمیت کے پیش نظر اس خبر کی تصدیق کرنے پر آمادگی ظاہر نہیں کی۔