عبرانی زبان کے ذرائع نے پیر کی شب شام پر صیہونی حکومت کے حملوں کی اطلاع دی۔

شام کے الاخباریہ نیٹ ورک نے بھی دمشق کے اطراف میں صیہونی حکومت کے حملوں کی خبر دی ہے۔

سبرین نیوز ٹیلی گرام چینل نے ایک فوری خبر میں اعلان کیا ہے کہ دمشق کے آسمان میں کئی دھماکوں کی آوازیں سنی گئیں۔

اس سلسلے میں شام کی سرکاری خبر رساں ایجنسی (SANA) نے اطلاع دی ہے کہ ملکی فوج کے فضائی دفاع نے دمشق کے اوپر دشمن کے اہداف سے نمٹا ہے۔

ایک فوجی ذریعے نے خبر رساں ایجنسی سانا کو بتایا: مقامی وقت کے مطابق پیر کی رات تقریباً 23:50 پر اسرائیلی دشمن نے شام میں مقبوضہ گولان کی پہاڑیوں کی جانب سے میزائل حملے کیے اور دمشق شہر کے اطراف کے علاقوں کو نشانہ بنایا۔

اس ذریعے نے مزید کہا: صیہونی حکومت کے حملے میں ایک فوجی زخمی اور نقصانات بھی ہوئے۔

دوسری جانب شامی ایئرلائنز نے اعلان کیا ہے کہ صیہونی حکومت کے حملے کے بعد دمشق کے بین الاقوامی ہوائی اڈے کو کوئی نقصان نہیں پہنچا ہے اور اس ہوائی اڈے پر سرگرمیاں جاری ہیں۔