ایران کے وزیر خارجہ امیرعبداللہیان نے اپنے ایک بیان میں کہا کہ ہم بین الاقوامی منظر نامے میں نئے اداکاروں کا مشاہدہ کر رہے ہیں۔ انکا کہنا تھا کہ امریکہ اپنی بالادستی برقرار رکھنے کی ناکام کوشش کر رہا ہے لیکن دنیا بخوبی جانتی ہے کہ امریکہ اپنی بالادستی کو بروئے کار نہیں لا سکتا۔

ایران کے وزیر خارجہ حسین امیرعبداللہیان ایک سیاسی وفد کی ہمراہی میں لبنان کے دورے پر ہیں۔ انہوں نے یہ بیان لبنان میں مختلف فلسطینی گروپوں کے رہنماؤں اور جنرل سیکریٹری کے ساتھ مشترکہ ملاقات میں دیا۔

امیر عبداللہیان نے اس ملاقات میں کہا کہ بین الاقوامی نظام بنیادی تبدیلیوں سے گزر رہا ہے اور ہم بین الاقوامی منظر نامے میں نئے اداکاروں کا مشاہدہ کر رہے ہیں۔ امریکہ اپنا تسلط برقرار رکھنے کی ناکام کوشش کر رہا ہے۔ دنیا اچھی طرح سمجھتی ہے کہ امریکہ اپنا تسلط استعمال نہیں کر سکتا۔  

ایرانی وزیر خارجہ نے اسلامی جمہوریہ ایران کی مسلسل حمایت اور فلسطینی قوم کی مزاحمت کا ذکر کرتے ہوئے کہا کہ اب صیہونی حکومت محسوس کر رہی ہے کہ وہ میدان جنگ میں ہار رہی ہے، اسی لیے وہ فلسطینی مزاحمتی رہنماؤں کے قتل کی بات کر رہی ہے۔