صیہونی ٹی وی چینل 12 نے ایک رپورٹ میں بتایا ہے کہ الاقصیٰ طوفان آپریشن کے بعد 520,000 اسرائیلی نفسیاتی امراض میں مبتلا ہوئے ہیں۔

فلسطین کی سما نیوز ایجنسی کی رپورٹ کے مطابق صیہونی ٹی وی چینل 12 نے کہا ہے کہ 7 اکتوبر 2023 کے آپریشن اور غزہ جنگ کے بعد 520,000 صہیونیوں کو پوسٹ ٹرامیٹک اسٹریس ڈس آرڈر (PTSD) کے علاج کی ضرورت ہے۔

اس سے قبل صہیونی ویب سائٹ والہ نے ایک تحقیق شائع کی تھی جس کے مطابق 1600 صیہونی فوجی اور افسران جنگی صدمے کا شکار ہیں اور ان میں سے کم از کم 250 جنگ میں حصہ لینے کے قابل نہیں رہے۔

ارنا کے مطابق فلسطینی مزاحمتی گروپوں نے7 اکتوبر 2023 کو غزہ (جنوبی فلسطین) سے صیہونی حکومت کے ٹھکانوں کے خلاف "الاقصی طوفان" کے نام سے ایک حیران کن آپریشن شروع کیا۔ 45 دن کے بعد بالآخر24 نومبر 2023 کو اسرائیل اور حماس کے درمیان 4 روزہ عارضی جنگ بندی یا حماس اور اسرائیل کے درمیان قیدیوں کے تبادلے کے لیے وقفہ ہوا۔

جنگ میں یہ وقفہ 7 دن تک جاری رہا اور 1 دسمبر 2023 بروز جمعہ، صیہونی فوج نے غزہ پر دوبارہ حملے شروع کر دیے۔ "الاقصی طوفان" کا بدلہ لینے اور اس کی ناکامی کا ازالہ کرنے اور مزاحمتی کارروائیوں کو روکنے کے لیے صیہونی حکومت نے غزہ کی پٹی کے تمام راستوں کو بند کر دیا ہے اور اس علاقے پر بمباری کر رہی ہے۔