غزہ کی پٹی میں فلسطینی وزارت صحت نے پیر کے روز اعلان کیا ہے کہ صیہونی حکومت کے حملوں میں شہید ہونے والوں کی تعداد 38 ہزار 193 ہو گئی ہے۔

غزہ کی پٹی میں فلسطینی وزارت صحت نے اپنی تازہ ترین رپورٹ میں کہا ہے: صیہونی حکومت نے گذشتہ 24 گھنٹوں کے دوران غزہ کی پٹی میں شہریوں کے 3 قتل عام کیے، جس کے نتیجے میں جس میں 40 افراد شہید اور 75 زخمی ہوئے۔

اس تعداد سمیت غزہ میں 7 اکتوبر 2023  سے لے کر اب تک الاقصیٰ طوفانی آپریشن کے آغاز کے بعد شہداء کی تعداد 38 ہزار 193 اور زخمیوں کی تعداد 87 ہزار 903 افراد تک پہنچ گئی ہے۔

قبل ازیں یورپی-میڈیٹیرینین ہیومن رائٹس واچ نے اپنے تازہ بیان میں اعلان کیا تھا: غزہ کی پٹی میں 26000 سے زائد زخمی اور بیمار افراد کو اپنی جانیں بچانے کے لیے فوری طور پر غیر ملکی امداد کی ضرورت ہے.

بیان میں مزید کہا گیا ہے: "غزہ کی پٹی میں ہزاروں زخمی اور بیمار افراد کو بھی علاج کے عمل کو مکمل کرنے یا صحت اور بحالی کی مطلوبہ خدمات حاصل کرنے کے لیے علاقے سے باہر سفر کرنے کی ضرورت ہے جو کہ غزہ کی پٹی میں دستیاب نہیں ہیں، لیکن اسرائیل نے اس سے روک دیا ہے۔ "

غزہ کی پٹی پر صیہونی حکومت کی جارحیت کے نو ماہ گزر جانے کے بعد بھی بغیر کسی نتیجے اور کامیابی کے یہ حکومت اپنے اندرونی اور بیرونی بحرانوں میں مزید دھنس رہی ہے۔ 9 ماہ گزرنے کے باوجود صیہونی حکومت حماس کو تباہ کرنے اور غزہ کی پٹی سے صیہونی قیدیوں کی واپسی کے اپنے بیان کردہ اہداف کو حاصل نہیں کر سکی ہے۔

اس عرصے کے دوران صیہونی حکومت نے اس خطے میں جرائم، قتل عام، تباہی، جنگی جرائم، بین الاقوامی قوانین کی خلاف ورزی، امدادی تنظیموں پر بمباری اور قحط کے علاوہ کچھ حاصل نہیں کیا۔