لبنان کی پارلیمنٹ کے اسپیکر نے ہفتے کی رات اپنے بیان میں تاکید کی کہ حزب اللہ نے کہا ہے کہ مجدل شمس پر حملے میں ملوث نہیں اور جو کچھ ہوا حزب اللہ اس کی ذمہ داری سے انکار کرتی ہے۔

لبنان میں اقوام متحدہ کے خصوصی رابطہ کار نبیہ بری کے ساتھ فون کال میں، نبیہ بری نے کہا کہ لبنان اور مزاحمت جنگ اور تنازعات میں قوانین کی پاسداری کرتے ہیں اور عام شہریوں کو نشانہ نہیں بناتے۔

ایک گھنٹہ قبل لبنان کے وزیراعظم نے بھی ایک بیان میں شام کے مقبوضہ گولان کے علاقے مجدل شمس پر میزائل حملے کی مذمت کی تھی۔

لبنان کے وزیر اعظم نجیب میقاتی کے دفتر نے بیان جاری کیا کہ ہم شہریوں کے خلاف پرتشدد کارروائیوں کی مذمت او تمام محاذوں پر معاندانہ کارروائیوں کو فوری طور پر بند کرنے کا مطالبہ کرتے ہیں۔

دوسری جانب لبنان کی پروگریسو سوشلسٹ پارٹی کے سابق سربراہ ولید جنبلاط نے بھی فتنہ اور فساد پر اکسانے کے صیہونی حکومت کے منصوبے کے خلاف خبردار کیا ہے۔

انہوں نے کہا کہ صہیونی دشمن کی تاریخ اور موجودہ حالات ماضی میں اور اب بغیر کسی غور و فکر کے عام شہریوں کے خلاف کیے جانے والے جرائم سے بھرے پڑے ہیں۔