فلسطینی وزارت صحت نے اعلان کیا ہے کہ غزہ کی پٹی میں 7 اکتوبر 2023  سے اب تک 40,435 فلسطینی شہری شہید ہو چکے ہیں۔

فلسطینی وزارت صحت نے اعلان کیا ہے کہ صیہونی حکومت نے گذشتہ 24 گھنٹوں کے دوران غزہ میں عام شہریوں کا 2 قتل عام کیا ہے جس کے نتیجے میں 33 افراد شہید اور 66 زخمی ہوئے ہیں۔

ان شہداء سمیت غزہ میں 7 اکتوبر 2023 سے الاقصی طوفان آپریشن کے آغاز کے ساتھ ہی شہداء کی تعداد 40,435 اور زخمیوں کی تعداد 93,534 تک پہنچ گئی ہے۔

غزہ کی پٹی کے خلاف 10 ماہ سے زائد جاری جنگ کے بعد غزہ کی پٹی کے مختلف علاقوں میں قابض فوج اور مزاحمتی جنگجوؤں کے درمیان شدید جھڑپیں جاری ہیں۔

یہ جنگ جو صیہونی حکومت نے 7 اکتوبر 2203 کو حماس کی تحریک کو تباہ کرنے اور صیہونی قیدیوں کی واپسی کے دو اعلان کردہ اہداف کے ساتھ شروع کی تھی، ابھی تک اپنے اہداف حاصل نہیں کرسکی ہے۔