لبنان کی وزارت صحت نے گذشتہ 24 گھنٹوں کے دوران ملک کے مختلف علاقوں میں صیہونی حکومت کے حملوں کے دوران 90 سے زائد لبنانیوں کی شہادت کا اعلان کیا ہے۔

 لبنان کی وزارت صحت نے ایک بیان میں اعلان کیا ہے کہ گذشتہ 24 گھنٹوں کے دوران لبنان پر صیہونی حکومت کے حملوں میں 92 لبنانی شہید ہوئے ہیں۔

وزارت نے یہ بھی اعلان کیا کہ ان حملوں کے نتیجے میں 153 افراد زخمی ہوئے۔

پیر کی صبح صہیونی فوج نے جنوبی لبنان کے مختلف علاقوں پر بڑے پیمانے پر حملے کیے جو تاحال جاری ہیں۔

لبنان کی وزارت صحت کی رپورٹ کے مطابق ان حملوں میں سینکڑوں افراد شہید اور ہزاروں زخمی ہوئے ہیں۔

لبنان کی حزب اللہ اس ملک میں عام شہریوں کو نشانہ بنائے جانے پر خاموش نہیں رہی۔ انہوں نے مقبوضہ فلسطین کے شمال میں صیہونی ٹھکانوں اور بستیوں کے خلاف اپنی کارروائیوں کو ایجنڈے میں شامل کیا اور گذشتہ ایک گھنٹے میں صیہونی حکومت کے ٹھکانوں پر درجنوں راکٹ داغے۔

حزب اللہ کے حملوں سے صہیونیوں میں خوف و ہراس پھیل گیا ہے۔ تاکہ مقبوضہ شہر حیفہ میں تمام تعلیمی سرگرمیاں بند کر دی گئیں اور مکینوں کو پناہ گاہوں میں جانے کو کہا گیا ہے۔