غزہ کی پٹی کی وزارت صحت نے اس علاقے میں اسرائیلی فوج کے جرائم کے 361 دنوں کے دوران 41,638 فلسطینی شہریوں کی شہادت کا اعلان کیا۔

 غزہ کی پٹی میں فلسطینی وزارت صحت کے بیان میں، جو جنگ کے 361ویں دن پر شائع ہوا ہے، کہا گیا ہے: اسرائیلی فوج نے غزہ کی پٹی میں چار جرائم کا ارتکاب کیا ہے جس کے نتیجے میں 23 فلسطینی شہید اور 101 زخمی ہوئے۔

بیان میں کہا گیا ہے: ان شہداء اور زخمیوں میں 7 اکتوبر 2023  کو غزہ کی پٹی پر صیہونی حکومت کے حملوں کے آغاز سے اب تک 41,638 فلسطینی شہید اور 96,460 فلسطینی زخمی ہوئے ہیں۔

اسرائیلی فوج نے منگل کی سہ پہر غزہ کی پٹی کے جنوب میں واقع شہر "خان یونس" کے مغرب میں پناہ گزینوں کے خیموں پر بھی بمباری کی۔

اس حملے میں 11 افراد شہید ہوئے ہیں جن میں کچھ بچے اور خواتین بھی شامل ہیں۔