غزہ پٹی اور لبنان پر صیہونی جارحیت کے خلاف احتجاج کرنے والے مظاہرین میں سے ایک شخص نے امریکی دارالحکومت واشنگٹن میں وائٹ ہاؤس کے باہر ہونے والے مظاہرے میں خود کو آگ لگا لی۔

 خبر رساں ادارے روئٹرز نے واشنگٹن میں صیہونی مخالف مظاہرے میں ایک شخص کی تصاویر شائع کی ہیں جس کے بازو پر آگ لگی ہوئی ہے۔

واشنگٹن پوسٹ کے مطابق، اس شخص نے، جس کا نام ظاہر نہیں کیا گیا، صحافی ہونے کا دعویٰ کیا اور خود پر مشرق وسطیٰ کے بحران کے بارے میں غلط معلومات پھیلانے کا الزام لگایا۔

یہ مظاہرہ امریکی دارالحکومت میں ہوا جس میں تقریباً ایک ہزار افراد نے شرکت کی اور یہ غزہ پر صیہونی حکومت کے وحشیانہ حملوں کو ایک سال مکمل ہونے کے موقع پر دنیا بھر کے شہروں میں نکالے گئے متعدد مظاہروں میں سے ایک تھا۔