غزہ کی پٹی میں فلسطینی وزارت صحت نے اپنے تازہ ترین اعدادوشمار میں اس علاقے کے مکینوں کے خلاف صیہونی حکومت کی جنگ کے نتیجے میں 41,870 فلسطینی شہریوں کی شہادت کا اعلان کیا ہے۔

ارنا نے الجزیرہ کے حوالے سے نقل کیا ہے کہ غزہ کی پٹی میں فلسطینی وزارت صحت نے اتوار کے روز اعلان کیا: صیہونی حکومت نے گذشتہ 24 گھنٹوں کے دوران غزہ کی پٹی میں 3 حملہ کیے ہیں جس کے نتیجے میں 45 افراد شہید اور 256 زخمی ہوئے ہیں۔ 

ان شہداء سمیت غزہ میں 7 اکتوبر 2023 کو الاقصیٰ طوفان آپریشن کے آغاز سے اب تک غزہ میں شہداء کی تعداد 41 ہزار 870 اور زخمیوں کی تعداد 97 ہزار 166 تک پہنچ گئی۔

صیہونی حکومت کی فوج نے اپنے تازہ ترین جرم میں غزہ کی پٹی کے وسط میں واقع دیر البلاح میں الاقصی شہداء اسپتال کے قرب و جوار میں ایک مسجد میں فلسطینی پناہ گزینوں پر حملہ کیا جس کے نتیجے میں 24 فلسطینی شہری شہید اور 94 زخمی ہوگئے۔

اسرائیلی حکومت نے امریکہ کے تعاون سے غزہ کی پٹی کے باشندوں کے خلاف 7 اکتوبر 2023  سے تباہ کن جنگ شروع کر رکھی ہے، جس کے نتیجے میں بڑے پیمانے پر تباہی اور مہلک قحط کے علاوہ، ہزاروں سے زیادہ فلسطینی جن میں زیادہ تر خواتین اور بچے ہیں، شہید اور زخمی ہیں۔

عالمی برادری کی تذلیل کرکے اور اقوام متحدہ کی سلامتی کونسل کی جنگ کو فوری طور پر روکنے کی قرارداد اور عالمی عدالت انصاف کے نسل کشی کی کارروائیوں کو روکنے اور غزہ میں تباہ کن انسانی صورتحال کو بہتر بنانے کے اقدامات کرنے کے احکامات کو نظر انداز کرکے تل ابیب نسل کشی کا ارتکاب جاری رکھے ہوئے ہے۔