فلسطینی وزارت صحت نے اپنے تازہ ترین اعدادوشمار میں غزہ کی پٹی میں عوام کے خلاف صیہونی حکومت کی جنگ کے نتیجے میں 42100 فلسطینی شہریوں کی شہادت کا اعلان کیا ہے۔

غزہ میں فلسطینی وزارت صحت نے اعلان کیا ہے کہ صیہونی حکومت نے گذشتہ 24 گھنٹوں کے دوران غزہ میں 3 حملے کیے ہیں جس کے نتیجے میں 45 افراد شہید اور 130 زخمی ہوئے ہیں۔

اس رپورٹ کے مطابق اس لمحے تک بہت سے متاثرین ملبے کے نیچے اور گلیوں میں دبے ہوئے ہیں اور ریسکیو فورسز ان کی مدد کرنے سے قاصر ہیں۔

ان شہداء سمیت غزہ میں 7 اکتوبر 2023 سے الاقصی طوفان آپریشن کے آغاز کے ساتھ ہی شہداء کی تعداد 42 ہزار 10 اور زخمیوں کی تعداد 97 ہزار 720 تک پہنچ گئی ہے۔

فلسطینی خبر رساں ذرائع نے غزہ کی پٹی کے وسطی اور شمالی علاقوں پر اسرائیلی فوج کے حملوں کا سلسلہ جاری رہنے کی اطلاع دی ہے جس میں کم از کم 22 فلسطینی شہید اور درجنوں زخمی ہو گئے ہیں۔