غزہ کی پٹی میں فلسطینی وزارت صحت نے اپنے تازہ ترین اعدادوشمار میں اس علاقے کے مکینوں کے خلاف صیہونی حکومت کی جنگ کے نتیجے میں 42,65 فلسطینی شہریوں کی شہادت کا اعلان کیا ہے۔

 فلسطینی وزارت صحت نے اعلان کیا ہے کہ صیہونی حکومت نے گذشتہ 24 گھنٹوں کے دوران غزہ کی پٹی میں 5 حملے کیے ہیں جس کے نتیجے میں 55 افراد شہید اور 166 زخمی ہوئے ہیں۔

اس رپورٹ کے مطابق اس وقت تک متعدد متاثرین ملبے تلے اور گلیوں میں دبے ہوئے ہیں اور ریسکیو فورسز ان کی مدد کرنے سے قاصر ہیں۔

فلسطینی وزارت صحت کے اعلان کے مطابق 7 اکتوبر 2023 سے غزہ کی پٹی پر صیہونی حکومت کی فوج کے حملوں کے نتیجے میں اب تک 42 ہزار 65 افراد شہید ہو چکے ہیں۔

وزارت نے مزید کہا کہ اس علاقے میں جنگ کے آغاز سے اب تک غزہ کی پٹی پر صیہونی حکومت کی فوج کے حملوں میں زخمی ہونے والوں کی تعداد 97 ہزار 886 تک پہنچ گئی ہے۔

ادھر رفح شہر کے مغرب میں المواسی نامی علاقے کو بھی آج صیہونی حکومت کے فضائی حملے کا نشانہ بنایا گیا۔

فلسطینی ہلال احمر نے اعلان کیا ہے کہ غزہ کی پٹی کے وسط میں دیر البلاح میں رفیدہ اسکول پر حملے کے دوران 28 افراد شہید اور 54 زخمی ہوئے۔