غزہ کی پٹی کے شمال میں واقع انڈونیشیا کے اسپتال کے طبی ذرائع نے اس اسپتال کے انتہائی نگہداشت یونٹ میں 2 مریضوں کی شہادت کا اعلان کیا۔

تقریب خبررساں ایجنسی کی رپورٹ کے مطابق ہفتے کے روز "نابا" نیٹ ورک کے حوالے سے فلسطینی طبی ذرائع نے غزہ کے انڈونیشیا کے اسپتال میں اعلان کیا ہے کہ اس اسپتال کے خصوصی نگہداشت کے شعبے میں داخل ہونے والے دو مریض صیہونی کے ہاتھوں اسپتال کے بجلی کے جنریٹر کی تباہی کے باعث دم توڑ گئے۔ 

اس سے قبل غزہ کی پٹی کے شمال میں واقع انڈونیشیا کے اسپتال کے ڈائریکٹر نے کہا تھا کہ اسپتال کو صیہونی حکومت کے ٹینکوں نے گھیر لیا تھا اور اس کی بجلی کاٹ دی گئی تھی۔

مروان السلطان نے مزید کہا کہ صیہونی حکومت کے فوجیوں نے اسپتال کی دوسری اور تیسری منزل پر بمباری کی۔

انہوں نے نشاندہی کی کہ قابض اسرائیلی حکومت کے فوجی شمالی غزہ کی پٹی کے مکینوں کو یہ علاقہ چھوڑنے پر مجبور کرنے کے لیے باقی ماندہ صحت اور طبی ڈھانچے کو تباہ کر رہے ہیں۔

غزہ کی پٹی کے شمال میں واقع انڈونیشیا کے اسپتال کے ڈائریکٹر نے کہا: صیہونی حکومت کی فوج کے جوانوں سے گھرے اس اسپتال میں طبی عملے کے علاوہ 40 سے زیادہ مریض اور زخمی ہیں۔