سپاہ پاسداران انقلاب کے اعلی کمانڈر نے کہا ہے کہ مسلح افواج ہر قسم کے خطرات کا مقابلہ کرنے کے لئے مکمل تیار ہیں۔

تقریب خبررساں ایجنسی کی رپورٹ کے مطابق، ایرانی سپاہ پاسداران انقلاب اسلامی کی قدس فورس کے نائب سربراہ بریگیڈئیر جنرل ایرج مسجدی نے کہا ہے کہ اعلی کمانڈروں کی شہادت ہمیں اپنے عزم سے روک نہیں سکتی ہے۔ اپنے شہداء اور فلسطینی و لبنانی مظلوم عوام کا بدلہ ضرور لیں گے۔

شہید نیلفروشان کی یاد میں ہونے والی تقریب سے خطاب کرتے ہوئے انہوں نے کہا کہ دشمن نے نفسیاتی حربہ استعمال کرتے ہوئے جنرل اسماعیل قاآنی کے حوالے سے افواہیں پھیلائیں تاکہ عوام کو تشویش میں مبتلا کیا جائے۔

شہید عباس نیلفروشان بیروت میں صہیونی فوج کے فضائی حملے میں شہید ہوگئے تھے۔ اسی حملے میں حزب اللہ کے سربراہ سید حسن نصراللہ کو شہید کیا گیا تھا۔