خبر رساں ذرائع نے یمن کے ساحل پر ایک بحری جہاز کے قریب 2 دھماکوں کی اطلاع دی ہے۔

پیر کو تقریب خبررساں ایجنسی کی رپورٹ کے مطابق الجزیرہ کے حوالے سے برطانوی "ایمبری" میری ٹائم سیکورٹی کمپنی نے اعلان کیا ہے کہ اسے یمن کے ساحل پر ایک تجارتی جہاز کے قریب دو دھماکوں کی اطلاع ملی ہے۔

واقعے کی تفصیلات تاحال سامنے نہیں آئی ہیں۔

چند روز قبل برٹش میری ٹائم ٹریڈ آپریشنز آرگنائزیشن (UKMTO) نے اعلان کیا تھا کہ یمن کے جنوب میں ایک واقعہ پیش آیا ہے۔

گذشتہ مہینوں میں غزہ کے عوام کی حمایت میں یمنی مسلح افواج نے صیہونی حکومت کے متعدد بحری جہازوں یا اس حکومت کے لیے سامان لے جانے والے بحری جہازوں کو نشانہ بنایا ہے جو بحیرہ احمر، بحر ہند اور باب میں مقبوضہ علاقوں کی طرف جا رہے تھے۔ 

یمنی مسلح افواج نے عہد کیا ہے کہ جب تک اسرائیلی حکومت غزہ کی پٹی پر اپنے حملے بند نہیں کرتی اس وقت تک اس حکومت کے جہازوں یا مقبوضہ علاقوں کی طرف جانے والے بحری جہازوں اور بحیرہ احمر میں صیہونی حکومت کی حمایت کرنے والی اتحادی افواج کے بحری جہازوں پر حملے جاری رکھیں گے۔ 

امریکہ اور برطانیہ نے بین الاقوامی جہاز رانی کے تحفظ کے بہانے متعدد مواقع پر یمنی فوج کے ٹھکانوں پر حملے کیے ہیں لیکن بین الاقوامی ماہرین کے مطابق یہ اقدامات صیہونی حکومت کے بحری جہازوں کے خلاف حملوں کو روکنے میں کامیاب نہیں ہو سکے ہیں۔