فلسطینی ذرائع نے جنوبی غزہ پر اسرائیلی حملے میں ایک فلسطینی صحافی کی شہادت کی اطلاع دی ہے۔

تقریب خبررساں ایجنسی نے شہاب نیوز ویب سائٹ کے حوالے سے نقل کیا ہے کہ غزہ شہر کے جنوب میں الصابرہ محلے پر اسرائیلی فوج کے توپ خانے کے حملے میں فلسطینی صحافی احمد ابو شریعہ شہید ہوگئے۔

فلسطینی وزارت صحت کے اعدادوشمار کے مطابق 7 اکتوبر 2023 کو غزہ جنگ کے آغاز سے اب تک غزہ کی پٹی میں 190 فلسطینی صحافی شہید ہو چکے ہیں۔

دریں اثناء اس وحشیانہ جنگ میں 17 ہزار بچوں سمیت تقریباً 44 ہزار افراد شہید اور 103000 سے زائد زخمی ہو چکے ہیں۔