جنوب مشرقی لبنان میں واقع الخیام کے علاقے میں اسلامی مزاحمت اور صیہونی فوج کے درمیان شدید جھڑپیں جاری ہیں۔

لبنان کے المنار چینل نے خبر دی ہے کہ شدید جھڑپیں اس وقت شروع ہوئیں جب صیہونی فوجیوں نے اس علاقے میں گھسنے کی کوشش کی۔

رپورٹ کے مطابق اسلامی مزاحمت نے الخیام میں صیہونی فوجیوں پر متعدد حملے کیے اور اس علاقے میں ان کے گروپس اور گاڑیوں کو نشانہ بنایا۔

لبنان کی اسلامی مزاحمت نے اپنے بیان میں کہا ہے کہ حزب اللہ نے الخیام شہر کے مشرقی مضافات میں صیہونی فوجیوں کے اجتماع کی جگہ کو راکٹوں سے نشانہ بنایا اور ایک گائیڈڈ میزائل سے اسرائیلی مرکاوا ٹینک کو بھی نشانہ بنایا، جس سے کئی صیہونی فوجی ہلاک اور زخمی ہوگئے۔