سپاہ پاسداران انقلاب اسلامی کی بری فورس کے کمانڈر، بریگيڈیئر جنرل محمد پاکپور نے کہا ہے کہ دشمنوں نے ملک میں 9 اور 10 محرم کو دہشت گردی اور بدامنی پھیلانے کا منصوبہ بنایا تھا جسے ناکام بنادیا گيا۔

بریگیڈیئر جنرل محمد پاکپور نے یہ بات سپاہ پاسداران انقلاب اسلامی کے اعلی افسران کی کونسل سے خطاب کرتے ہوئے کہی۔ انہوں نے کہا کہ دشمنوں نے 9 اور 10  محرم  کو ملک میں دہشت گردی اور بدامنی پھیلانے کا منصوبہ بنایا تھا تاہم سپاہ پاسداران کے جوانوں نے ناکام بنایا تھا۔

بریگيڈیئر جنرل پاکپور نے مزید کہا کہ اس مقصد کے لیے سپاہ پاسداران کے 5 کمانڈو یونٹوں کو ملک کے سرحدی علاقوں میں تعینات کیا گيا تھا۔ انہوں نے کہا کہ سپاہ پاسدران انقلاب اسلامی دہشتگردی اور بدامنی کی کوششوں کا مقابلہ کرنے کے لیے پوری طرح آمادہ ہے۔