فلسطین کی تحریک حماس کے فوجی بازو شہید عزالدین القسام بریگیڈ نے شمالی غزہ میں صیہونی حکومت کے چار مرکاوا ٹینکوں کو تباہ کرنے کا اعلان کیا ہے۔

شہید عزالدین القسام بریگیڈ کے انفارمیشن سینٹر نے بتایا ہے کہ وہ شمالی غزہ میں جبالیہ شہر کے مشرق میں صیہونی فوج کے چار مرکاوا ٹینکوں کو طاقتور دھماکہ خیز مواد کے ذریعے تباہ کرنے میں کامیاب ہو گئے۔

القسام بریگیڈ نے یہ بھی کہا کہ شمالی غزہ میں جبالیہ کیمپ کے مغرب میں ایک صیہونی مرکاوا ٹینک کو ٹینک شکن میزائل سے نشانہ بنایا گیا۔