صدر مملکت ڈاکٹر مسعود پزشکیان نے چین میں زلزلے کے حادثے پر دکھ اور افسوس کا اظہار کیا ہے۔

ایکس سوشل میڈیا پر جاری ہونے والے پیغام میں صدر پزشکیان نے دوست ملک چین کے عوام بالخصوص زلزلے کے متاثرین کے ساتھ اظہار ہمدردی کا اعلان کیا۔

انہوں نے کہا کہ تبت میں آنے والے زلزلے اور اس کے نتیجے میں پیش آنے والے انسانی المیے پر بہت زیادہ دکھ اور افسوس ہوا۔

صدر مملکت نے چین کے عوام اور حکومت کے ساتھ اظہار ہمدردی کرتے ہوئے انسان دوستانہ امداد کی ترسیل کے لیے ایران کی آمادگی کا بھی اعلان کیا۔