ملائیشیا میں "KFC" کی 108 برانچیں بائیکاٹ مہم کی وجہ سے بند

امریکی کے ایف سی (kFC) ریسٹورنٹ چین نے ملائیشیا میں اپنی 108 برانچیں بائیکاٹ مہم کی وجہ سے بند کر دی ہیں۔

پیر کو، KFC نے ملائیشیا میں اپنا آپریشن معطل کر دیا، سنگاپور کے اخبار دی سٹریٹ ٹائمز نے رپورٹ کیا۔ اخبار نے ریستوران کے کارکنوں کے حوالے سے بتایا کہ کے ایف سی کے ریسٹورنٹ ایک ہفتے سے تقریباً گاہکوں سے خالی ہیں۔

7 اکتوبر 2023 سے، صیہونی حکومت غزہ کی پٹی میں ایک تباہ کن جنگ چھیڑ رہی ہے، جس میں ایک بے مثال انسانی تباہی اور بنیادی ڈھانچے کی وسیع پیمانے پر تباہی کے علاوہ دسیوں ہزار شہری متاثر ہوئے، جن میں زیادہ تر بچے اور خواتین شامل ہیں۔

صیہونی حکومت نے اقوام متحدہ کی سلامتی کونسل کی طرف سے فوری جنگ بندی کی قرارداد جاری کرنے کے باوجود غزہ کے خلاف اپنی تباہ کن جنگ جاری رکھی ہوئی ہے۔

اس سلسلے میں دنیا بھر کے لوگوں بالخصوص مسلم ممالک کے عوام نے صیہونی حکومت کی حمایت کرنے والی کمپنیوں کا بائیکاٹ کیا۔ اس بائیکاٹ میں کے ایف سی اکیلا نہیں تھا اور میکڈونلڈز کو بھی نقصان اٹھانا پڑا۔ میکڈونلڈز کے سی یی او نے حال ہی میں تسلیم کیا ہے کہ کمپنی نے اپنے صارفین کے بڑے پیمانے پر بائیکاٹ کے بعد ایک اہم کاروباری اثر دیکھا ہے، جس سے فاسٹ فوڈ کمپنی کے علاقائی اور عالمی آپریشنز کے بارے میں شیئر ہولڈرز کے خدشات بڑھ گئے ہیں۔