فلسطینی مسئلے کے حوالے سے بعض عرب ممالک کا مؤقف شرمناک ہے
اجائز صہیونی ریاست عرب ممالک کے درمیان تنازعات کا فائدہ اٹھاتی ہے اور مقبوضہ فلسطین کے مکمل قبضے کے لئے ایسے اقدامات کرتی ہے
اجائز صہیونی ریاست عرب ممالک کے درمیان تنازعات کا فائدہ اٹھاتی ہے اور مقبوضہ فلسطین کے مکمل قبضے کے لئے ایسے اقدامات کرتی ہے
شیئرینگ :
ایران میں متعین فلسطین کی مزاحمتی تنظیم حماس کے نمائندے نے القدس کی حمایت پر زور دیتے ہوئے کہا ہے کہ فلسطینی مسئلے کے حوالے سے بعض عرب ممالک کا مؤقف شرمناک ہے.
تفصیلات کے مطابق تہران میں 'مسجد الاقصی کی اسلامی ترجیح، مقاومت کا تسلسل' کے عنوان سے ایک پریس کانفرنس کا انعقاد کیا گیا جس میں فلسطین کی مزاحمتی تنظیم حماس کے نمائندے 'خالد القدومی'، فلسطین کی اسلامی جہاد تنظیم کے نمائندے 'ناصر ابو شریف' اور اسلامی بیداری کی عالمی اسمبلی کے تحقیقی مرکز کے سربراہ 'حسین اکبری' نے شرکت کی.
اس موقع پر خالد قدومی نے مسجد الاقصی کی حالیہ صورتحال اور واقعات کو بڑا خطرہ قرار دیتے ہوئے کہا کہ اس حوالے سے بعض عرب ممالک کا موقف ذلت کا باعث بنا ہے اور امریکی اور اس کے علاقائی اتحادیوں ناجائز صہیونی ریاست کے وحشیانہ اقدامات کی حمایت کرتے ہیں.
ڈاکٹر قدومی نے کہا کہ ناجائز صہیونی ریاست عرب ممالک کے درمیان تنازعات کا فائدہ اٹھاتی ہے اور مقبوضہ فلسطین کے مکمل قبضے کے لئے ایسے اقدامات کرتی ہے.
انہوں نے کہا کہ ناجائز صہیونی ریاست کے مسجد الاقصی کے مکمل قبضے کا مقصد اپنی نئی سازشوں کا نفاذ ہے.
حماس تنظیم کے نمائندے نے فلسطینی قوم کی ذہانت کا حوالہ دیتے ہوئے کہا کہ آج اہم مسئلہ فلسطینی نمازیوں کو مسجد الاقصی میں داخل ہونے سے روکنا نہیں بلکہ مسجدالاقصی کا سیاسی مسئلہ بہت اہم ہے اسی وجہ سے ہزاروں کی تعداد میں فلسطینی مسجدالاقصی کے بند دروازوں کے سامنے نماز ادا کر رہے ہیں.
اسرائیلی قیدیوں کے اہل خانہ کی کمیٹی نے اعلان کیا ہے: غزہ کی گلیوں میں السنور کی موجودگی اور سرنگوں میں قیدیوں کے مرنے کا مطلب جنگ میں "اسرائیل" کی شکست ہے۔