شمالی لندن میں فائرنگ سے چار افراد زخمی ہو گئے

لندن پولیس نے اطلاع دی ہے کہ ہفتے کی شام لندن میں فائرنگ کے دوران کم از کم 4 افراد زخمی ہوئے۔

اطلاعات کے مطابق شمالی لندن کے اوسٹن اسٹیشن پر فائرنگ کے نتیجے میں تین خواتین اور ایک سات سالہ بچی زخمی ہوگئی۔

یہ واقعہ ایک چرچ کے قریب اس وقت پیش آیا جب وہاں ایک جنازے کی تقریب ہو رہی تھی، اس دوران فائرنگ سے زخمی ہونے والی 48، 54 اور 41 سال کی تین خواتین کو علاج کے لیے اسپتال لے جایا گیا۔

ان تینوں خواتین کی چوٹیں خطرناک نہیں بتائی جاتی ہیں اور صرف 48 سالہ زخمی کو مزید نگہداشت کی ضرورت ہے۔

ایک سات سالہ بچی کو بھی ہسپتال لے جایا گیا اور حکام کا کہنا ہے کہ خیال کیا جاتا ہے کہ وہ بھی اسی واقعے میں زخمی ہوئی ہے۔

پولیس افسران نے کہا ہے کہ ابتدائی اندازوں سے معلوم ہوتا ہے کہ فائرنگ چلتی گاڑی سے ہوئی۔

اس واقعے کے لیے ابھی تک کوئی گرفتاری عمل میں نہیں آئی ہے، اور پولیس نے لوگوں سے کہا ہے کہ اگر ان کے پاس اس واقعے کے بارے میں کوئی معلومات ہوں تو وہ پولیس سے رابطہ کریں۔