زیلنسکی: ہم روسیوں کے خلاف یوکرین کی سرزمین پر کلسٹر بم استعمال کرے گے

منگل کو یوکرین کے صدر نے کلسٹر بم ملنے کی تصدیق کرتے ہوئے کہا کہ ملکی فوج ان ہتھیاروں کو اپنی سرزمین پر روسی فوجیوں کے خلاف استعمال کر رہی ہے۔

 یوکرین کے صدر ولادیمیر زیلنسکی نے افریقی صحافیوں کے ساتھ ایک پریس کانفرنس میں روسی فوج پر الزام عائد کرتے ہوئے کہا: ہم ان بموں کو میدان جنگ میں اور اپنی سرزمین پر دشمن کے خلاف استعمال کرتے ہیں، اور میرے خیال میں یہ مناسب ہے۔

لانچ کے بعد، ایک کلسٹر بم بڑی تعداد میں چھوٹے بموں میں تقسیم ہو جاتا ہے جو بڑے پیمانے پر قتل عام کا سبب بن سکتا ہے۔ نہ پھٹنے والے بم دہائیوں کے لیے خطرہ ہیں۔

روس نے خبردار کیا ہے کہ اگر یوکرین نے کلسٹر بموں کا استعمال کیا تو وہ جوابی اقدامات کرے گا، اسی تناظر میں روسی وزیر دفاع سرگئی شوئیگو نے خبردار کیا ہے کہ اگر امریکہ نے یوکرین کو کلسٹر بم فراہم کیے تو یہ ملک بھی ایسے ہی آلات استعمال کرنے پر مجبور ہو جائے گا۔

اس پریس کانفرنس کے تسلسل میں زیلنسکی نے اس بات پر زور دیا کہ یوکرین کو 2023 میں کلسٹر بم ملے تھے۔

کلسٹر گولہ بارود کے کنونشن کی بنیاد پر 100 سے زیادہ ممالک نے ان بموں کے استعمال، منتقلی، پیداوار اور ذخیرہ کرنے پر پابندی عائد کر رکھی ہے۔ امریکہ اور یوکرین اس معاہدے کے پابند نہیں ہیں۔ یوکرین کو کلسٹر بم بھیجنے کے امریکہ کے فیصلے پر ملکی تنقید کے علاوہ اقوام متحدہ، نیٹو اتحاد میں شامل واشنگٹن کے اتحادیوں جیسے انگلینڈ، کینیڈا اور اسپین نے بھی تنقید کی ہے۔